放工約了友人食飯抖下氣，友人上網揀了一間樓上cafe chill下。
門面的田園草牆及可愛的貓Logo，即想打卡。
店內裝潢戴點型格，灰牆身、木枱、梳化椅及酒樽的裝飾，感覺有格調，花花草草的佈置同時有著小清新之感，適逢臨近節日有新年的佈置。
設有VIP房，適合大夥兒。
牆上的吶喊貓掛畫好可愛!
餐牌，食物都幾多選擇，Dinner主菜+$20跟餐湯/沙律及飲品，都幾抵，見到牛頸脊好吸引即想試下。
熱咖啡，濃香醇厚，不俗。
凍檸茶，友人的。
南瓜湯，口感稠身，味道甘甜。
極厚切牛頸脊牛魔王之選，$285。
厚切的牛頸脊，賣相十分吸引，已切好上碟食得方便，肉質鮮嫩軟腍又多汁，味道濃郁帶焦香味，配菜擺盤亦好精緻，有焗蒜、西蘭花、雜菌及薯蓉等，蒜肉軟身甜甜地又香口，薯蓉軟滑。
辣椒蒜香白酒蜆扁意粉，$105，蜆份量十足，肉質飽滿，味道鮮甜有微微的酒香，百幾蚊有咁多隻蜆都真係幾抵食，扁意粉軟硬適中口感煙韌，而且好入味~食落有鮮味少辣幾美味。
朱古力窩夫配可可寶碎，$96，賣相幾得意，用cream及oreo齊左隻公仔出來都幾有心思，微熱的窩夫外脆內軟，朱古力味甜而不漏，有軟滑香甜的cream伴食更美味。
食物味道有水準，都幾抵食，坐得舒適，服務態度親切，聽住音樂享用晚餐同友人吹下水感覺Relax，鬧市中的寧靜。
佐敦白加士街56號凱豪商業大廈1樓
沒有留言:
張貼留言