假日約了友人到灣仔行下嘆杯啡，今日去成日都經過但又未幫襯過的The baker & bottle man，星級Roganic 的姊妹店，由兩名米之蓮星廚主理。
餐廳樓高兩層，下層是售賣麵包及咖啡，設有數張位子可堂食，上層是餐廳及酒吧(不同時段)，提供西餐等主食，裝潢以深藍及木系為主調，英式的格局，Logo上的貓狗廚師公仔好可愛。
假日的下午下層不太多人，我們二人坐下層悠閒的嘆啡，見麵包多款式又吸引點了幾個試下。
Latte，$33，拉花好靚，口感creamy，味道較偏甜。
火腿芝士吐司，$48，火腿芝士最正常組合，麵包香口，半溶芝士美味。
烤鴨法式長上棍麵包，$55。
感覺以中式又似法式即想試下，個包味道不俗，內餡份量適中，個組合的味道確有點似北京烤鴨的味道，但係唔太夾嘅XD，亦唔難食只覺普通，但有創意。
蘋果金寶麵包，$40。
麵包鬆軟，中間是蘋果金寶餡料，份量頗多，有淡淡的蘋果味，味道香甜。
開心果牛角酥脆餅，$40，有開心果之下好奇一試，口感酥脆，唔算好有牛油香味，開心果亦唔算太濃，味道普通。
食物上正常水準，環境幾好，悠閒嘆啡之選。
皇后大道東200號利東街地下G14&G15號舖
皇后大道東200號利東街地下G14&G15號舖
沒有留言:
張貼留言