原作養生湯米線

 
同友人睇完戲之後去食晚飯，諗唔到食咩，行行下經過呢間餐廳，見到蟲草花膠雞米線，咁補身，天氣涼涼地都幾啱食，即試下。

餐廳面積中等，以白磚牆及木系為主調，感覺柔和。

餐牌，食物都幾多選擇。

原作養生湯米線米線，$75。

份量適中，湯底唔算好濃郁但有鮮甜味，雞肉嫩滑，花膠軟腍，米線彈牙。

香酥荔枝蝦球，跟餐+$13，有2件，賣相真係好似荔枝，口感外脆內爽彈，少許鮮味。

檸檬柑桔，跟餐+$2，味道酸酸甜甜，清爽。

食物味道不俗，價格合理，服務態度正常，下次有機再戰。

紅磡必嘉街120號黃埔花園三期翠楊苑地下34號舖