獅拾久·現代新加坡料理

假日北上行下，經過一間打卡餐廳，好奇眅下，原來係食新加坡菜，價錢唔算好貴，諗唔到食咩一於去試下。

餐廳環境不論門面及內堂都有鮮花及綠色植物的佈置，不少打卡位，內堂面積寬敞，樓底高空間感十足，裝潢時尚優雅，華麗水晶吊燈、甚有氣派。

餐前酒(無酒精)，味道一般，作裝飾之用。

新加坡奶茶(壺)，¥68，有驚喜，泰式奶茶味道，甜甜地，茶味醇厚，口感順滑，讚!

芒果奶昔，友人的。

餐包，心形牛油好靚，麵包正常水準。

乘風破浪海南雞，¥99，個名好有氣勢，賣相何其壯觀，好夢幻!海南雞皮爽肉滑，味道不俗。

菠蘿海鮮飯，¥79，以菠蘿乾片作點綴，味道香甜，海鮮份量較少，個飯反而出色，味道酸酸甜甜，清爽可口。

沙嗲雞肉串，¥39，以食用花作點綴賣相精美，雞肉大件肉嫩又香口。

海底寶藏配娘惹，¥269，店員會張寶箱內的海鮮給客人過目，之後再即係客人面前即場煮湯，好有儀式感~!海鮮又唔算好新鮮，不果不失，個湯酸酸甜甜，味道正正常常。

玉米慕斯，贈送的，淡淡的玉米味，幾特別。

環境取勝，打卡之選，服務態度有禮，食物正常水準，海南雞幾好食，價格合理。

福華三路268號星河COCOPark商場一期L2-001（商場一期北門星巴克正上方、一期)