阿美車仔麵

Happy Friday又約了友人去食車仔麵，今次去大角咀食，話時話都幾耐冇踏足過呢個地方，同每次來到差唔多都係為左食XD，行下見到搶眼的霓虹招牌就知到了。

餐廳面積頗大，樓底高有空間感，裝潢以灰色為主調，風格戴點型格(有點似韓風@_@)，牆上壁畫及獅子山有港式之感。

餐牌，都幾多選擇，見到人氣的滷水腩肉及豬手好吸引即試下。

凍咖啡，跟餐+$9，味道不俗。

凍檸茶，跟餐+$9，友人的。

自選車仔麵:滷水腩肉($14)、滷水豬手($14)、滷水豬大腸($12)豬紅($12)及幼麵($10)配花生沙嗲汁，合共$62。

又腩肉又豬手十分豐富，花生沙嗲汁另上果下幾好，想幾濃味自己調，花生沙嗲味道濃郁惹味，幼麵爽口，滷水腩肉肥瘦層次分明，肉質鬆化又香口，滷水豬手大件，入口彈牙好入味，豬大腸口感軟韌夠入味鹹香，豬紅爽滑，份量適中。

自選車仔麵:秘制牛腩($14)、秘制金錢肚($14)、滷水溏心蛋($12)、午餐肉($10)、通菜($10)、響鈴($10)及米粉($10)配清湯，合共$80。

友人的，有溏心蛋之下賣相有點日式之感，試了牛腩及金錢肚，牛腩入味軟腍，金錢肚口感柔軟有嚼勁。

炸玉子豆腐，$28，口感外脆內軟。

食物味道不俗，好滿足的車仔麵。

大角咀櫸樹街88號奧柏‧御峯地下G11-G12號舖