即慶的約會，思考左一會，諗返好耐冇去九龍城，不如去行下食下野，一出地鐵行左一圈都係揀左隆姐，又跟傳統去到九龍城就想食泰國菜。
店子面積頗大，內堂似茶記的格局，假日的下午不算太多人。
餐牌，都幾多選擇。
沙爹串燒，$88，要左豬雞，好大串，肉質鬆軟唔太韌味道又香口惹味。
泰式冬蔭功湯，$95，連用個爐上Keep住溫度，內有兩隻大蝦，酸辣鹹味平均帶少許鮮味，唔算好辣，十分濃郁。
蒜蓉包，$28，見幾吸引之下要左，味道香口。
泰式炒金邊粉，$68，份量適中，口感煙韌，酸酸甜甜味道，正常水準。
芒果椰汁糯米飯，$65，微熱的糯米飯，口感軟糯，椰汁份量十足，芒果清甜。
珍多冰，28，加入了奇亞籽，味道正常水準。
食物正常水準，價格合理，不收加一，服務態度幾好，可坐得耐果下輕鬆。
九龍城衙前塱道2A-B號地舖
哩間幾抵食:)
回覆刪除