華香園

!去海港城睇Hello Kitty順便係TST食Lunch，諗唔到食咩又唔想太貴之下醒起之前想食華香園，趁今次去下先，事隔兩年再次係海防道臨時街市搵食，好多人，加上係假日，主要好多遊客，似乎幾受歡迎~!好多人但又好快有位坐，坐低都唔洗諗咁多即叫馳名豬扒麵。

餐牌，除左豬扒，本身仲想試下其他野，但最後太飽冇試到。

熱咖啡，$21，味道普通。

熱奶茶，$21，瓦煲奶茶，唔確定係味用瓦煲，據聞正常。

秘製豬扒公仔麵，$44。

豬扒上得好快，反而公仔麵好遲先上，冇計啦太多人唔夠人手~豬扒份量適中，豬扒肉質軟嫩有嚼勁，味道香口帶甜味，不俗。

豬扒味道不俗，價格正常，服務態度好地，可一試下。

尖沙咀海防道390號熟食檔地下9號舖