施心畢老撾餐廳

放工約了友人食飯，就腳之下係返中環食，友人揀了施心畢老撾餐廳，未試過老撾菜，見介紹寮國係東南亞唯一的內陸國，鄰近泰國及越南等，因此飲食文化受其影響而相似，餐廳主打的泰國及越南菜亦有著老撾的文化特色，好奇一試。

餐廳面積頗大，裝潢有點泰國之感，架上有不少特色的擺設，富民族色彩。
大約19:00去到，平日的晚上比較靜。

餐牌，主打泰菜及越南菜，都幾多選擇。

青椰咖啡，$32，咖啡加上一小杯椰奶另上自行調配，咖啡有係淡淡的椰味。

青椰綠茶，$32，友人的。

青椰紅豆冰，$32，友人的。

手打墨魚丸全米椰子湯粉，$68，奶色的海底感覺足料，湯底椰子味香，墨魚丸口感彈牙味道鮮味，湯粉爽口。

白咖哩豬頸肉見求，$78，見求即係糯米飯，紫糯米粒粒分明口感軟糯，白咖哩椰香味較重，唔算好難，厚身的豬頸肉，外皮脆口，肉質比較鬆軟，味道香口惹味，不俗。

是拉差醬雞翼，$48，有得揀素食雞翼或真係雞翼，揀了單骨雞翼，味道甜辣又惹味，都幾辣呢。

芒蝦紙米卷，$58，有4件，都好大件，內有芒果、青瓜、紅蘿蔔及米粉等，口感爽脆味道清新。

又到甜品的時候。

芒果糯米飯，$48，有別於平時見到的造型，用芒果蓉，味道清甜，糯米飯香甜軟糯。

椰汁西米糕(6件)，$48。

椰汁西米糕，椰香味濃郁，口感軟滑清甜，內餡加入芒果粒，增添口感及清香，幾美味呢。

中環威靈頓街98號翡翠中心4樓