網見到介紹呢個午市超市燒肉定食包括任飲任食自助吧1小時，平均得一個鐘好似幾趕，但又真係幾抵一於試下，book定位最穩陣。
餐廳面積頗大，和風設計，有單人位及卡位，兩者座位都十分闊落，我地3人坐卡位，坐得舒適。
餐牌，午市套餐格價約$99-$169不等。
落單之後去自助吧拎野食，炸物有4款及咖哩牛肉。
醬汁及沙律。
甜品，主力係雪糕。
熱茶。
飲品都多款。
要了3個Set。
上級封門柳御膳(鹽燒)，$119。
上級封門柳御膳(汁燒)，$119。
上級板腱肉御膳(鹽燒)，$119。
上級封門柳御膳(鹽燒)，$119，配泡菜、味噌湯及白飯。封門柳份量適中，尚算厚身，肉質變軟嫩，牛味濃，好味。
上級封門柳御膳(汁燒)，大家都要封門柳，見有兩款口味，就一個汁燒一個鹽Share，汁燒味道更香口。
一粒鐘不停燒。
上級板腱肉御膳，比較薄身，味道不俗。
要了果味燒汁、旨鹽燒及胡麻醬，個人覺得果味燒汁甜甜地幾好味。
有肉有菜均衡下，最正有秋葵。
咖哩牛肉，拎來撈飯幾正，個咖哩有好多牛肉及薯仔等好足料，甜甜唔太辣味道香濃，幾好味呢。
沙律菜清新，落左芝士粉更正。
薯條、章魚燒及炸雞粒，正常水準。
玫瑰茉莉花茶，支裝好方便，玫瑰茉莉花味比較淡。
牛奶軟雪糕，之前見到介紹唔係呢款，應該係轉左，牛奶味淡，雪糕口感有點似雪芭，味道普通，丸子正常水準。
巨峰軟雪糕，巨峰提子味出，雪糕口感有點似雪芭，味道普通。
友人的，用雪糕筒裝同整得幾靚加分左呢。
食物上肉類味道不俗，任食的食物味道正常水準，一個鐘係趕嘅，但真係幾抵食，坐得幾舒服，服務態度正常，下次有機試下食晚餐。
沙田橫壆街2-16號沙田中心3樓50及57號舖
睇落幾吸引，有機會試下先
回覆刪除真係幾抵~如果時間長少少就好了wwwww
刪除