杉玉 (沙田中心)

 
係沙田行下順便食晚飯，上網見到沙田有壽司郎居酒屋-杉玉，即想去試下，6點幾到冇乜人，之後越來越多人。

店子面積頗大，木系設計感覺和風，坐位闊落，感覺舒適。
用餐時間1.5小時...雖然係居酒屋但都係有限時..都唔知叫唔叫酒好因唔可以慢慢坐。

餐牌，見盛合都算幾抵。

1柑橘碳酸特飲，$30，友人的。

特選檸檬梳打酒，$38，檸檬味清淡，冇乜酒味。

炙燒海膽牛油安康魚肝壽司，$60，有海膽鮮甜及甘香，整體有點似海刺。

大切黃鰭吞拿魚三味，$33，原味、醬油漬及麻油鹽漬三款水味，試了醬油漬，味道太鹹。

道三貫，$30，沙甸魚及油甘魚兩件，油甘魚爽口鮮甜。

上玉盛合，$108，有8款壽司，大吞拿魚腩、吞拿魚、三文魚、油甘魚、魷魚、熟蝦、海螺及沙甸魚。

並玉盛合，$88，有8款壽司，中吞拿魚腩、吞拿魚、三文魚、油甘魚、魷魚、熟蝦、帆立貝及玉子燒。

壽司飯加入黑醋及意大利香醋，米粒粘性唔易散，但個味道太濃郁，個人麻麻個味，刺身尚算新鮮，同壽司郎一樣。

魚子醬壽司‧圓鰭魚魚子醬，$38。

相有特色，原個罐上，上層是魚子醬，下層吞拿魚腩蓉及壽司飯，口感豐富，鹹鮮味不俗。

杉玉特製南蠻炸雞，$42，入口香脆，雞肉幾滑又多汁。

炙烤喜之次魚腩，$38，肉質軟滑幾香口。

杉玉特製南蠻炸雞，$42，入口香脆，雞肉幾滑又多汁。

食物上壽司同壽司郎差唔多，係個飯唔同左，多左小食及有酒飲、格局上坐位闊落舒適有個人空間，但居酒屋來講用餐時間太有限制，想把酒談歡也太難。

沙田橫壆街2-16號沙田中心3樓32A及69A號舖