世界の山ちゃん

!3人的聚會，都真係好耐冇見了，本身要去的餐廳因在下的疏忽攪到去唔到(實在太唔好意思了~~~)，Happy Friday周圍都Full驚驚，友人想起山哥之雞翼，諗諗下好耐冇食，一於去博下，幸好去到等一陣就有位，太好了~!

餐牌，印象上好似冇加過價，雞翼必食，再叫幾個小食都夠。

柚子燒酎梳打，$48，太耐冇食啤啤佢，柚子味清新，但唔太有酒味。

夢幻雞翼(5隻)，$48，好香的胡椒，好惹味，佐酒之選。

名古屋鐵板炒麵，$68，材料十足，炒麵爽口順滑，味道濃郁香口好豐富。

柚子醋伴豬肉，$58，洋蔥配上柚子汁，豬肉片肉質鬆軟，有柚子清香的味道配合洋蔥的爽脆，十分開胃。

吉列炸蠔，$48，有4件，口感酥脆，蠔肉大小適中蠔味濃。

炸紅豆團子，$48，剛好3件，入口香軟煙韌，內餡紅豆香甜。

食物味道Keep到水準，價格合理，坐得舒適，歡笑的一晚。

尖沙咀金馬倫道57-59號金馬倫中心地庫