暑假期間東薈城名店倉同AI元宇宙MetaGaia創意聯乘的活動-「夏日探索 Hello Kitty Seven Wonders in MetaGaia」，同時推出Banchan & Cook x Hello Kitty 的主題限定店-紅寶石餐館，作為粉更係要去一轉~打卡之餘順便食Lunch，因為假日去驚太多人，Book定4位安全點。
13:30準時去到，果然好多人要排隊，Book位都要等一陣先入到，呢個時候順便睇定食咩。
餐廳面積中等，裝潢以木系為主調，灰色的牆身，帶點工業風格，門面、牆身、玻璃窗及枱椅均有Hello Kitty的佈置，尤其門面的Hello Kitty公仔太可愛了~打卡之選!
亦有餐廳外的位置，都有Hello Kitty的佈置。
我們4人，坐卡位，座位闊絡，感覺舒適，同張的Kitty好可愛~!
餐牌，設計都好得意，鏡子一樣，Hello Kitty限定的食物必試下。
見到個套餐幾抵食，Tasty Treat 嚐吃套餐 $560，2個主菜+小食+甜品+2杯自選飲品。
前菜，醃蘿蔔及青瓜等，爽口開胃。
Hello Kitty香甜蘋果紅豆奶昔，$62，賣相幾可愛，但用透明腸杯及Hello Kitty紙杯套感覺有點遜色，有兩塊曲奇(一塊Hello Kitty 及一塊蝴蝶結)作點綴，但曲奇係冇乜味，蘋果紅豆奶昔，冇乜蘋果味，淡的紅豆味，味道一般。
Hello Kitty火龍果醬炸雞蛋包飯，$152，是Kitty頭的造型，十分可愛，火腿都有蝴蝶結及心心，幾有心思，蛋包飯，蛋都幾滑，火龍果醬粉紅好靚但冇乜味，炸雞味道不俗。
Tasty Treat 嚐吃套餐 ，$560，以下。
Latte，友人的。
炸雞拼盤，揀了3款口味，蜜糖炸雞、初雪芝士炸雞及柑橘炸雞，初雪芝士炸雞，口感外香脆雞肉嫩，甜甜地的芝士味，蜜糖炸雞香甜，柑橘炸雞清新甘甜味道，幾好味呢。
巴馬火腿卡邦尼年糕，巴馬火腿份量十足，一條條的年糕口感軟糯順滑，卡邦尼味道濃郁，幾好味呀。
五花肉玫瑰燉飯，飯粒粒分明飽滿甜辣口感creamy，味道濃郁，五花肉，肉質鬆化，香口惹味。
焦糖芝士蛋糕牛角包窩夫，牛窩夫口感外酥脆內煙韌，一片焦糖芝士蛋糕，口感軟滑，配上焦糖及忌廉更美味。
期間限定食物味道普通，其他食物味道不俗，坐得幾舒適，服務都幾好，價格合理，有下次呢。
Banchan & Cook x Hello Kitty 的主題限定店-紅寶石餐館。
日期:2023年7月14日至8月31日
東涌達東路20號東薈城名店倉3樓334號舖
以主題cafe嚟講都算唔hea同多嘢食呀~
回覆刪除係呀~幾有心思~
刪除