假日又行下中環街市，翻新後都行過幾次不過就冇試過入面嘅餐廳，見到呢間I-O-N幾吸引，多國菜茶啡酒館，主打fusion菜，融合港式風味及西式飲食文化的創意菜式及飲品，而佢個Afternoon Tea頗受歡迎，BOOK了位試下，入到去先發現原來TEA SET要指定時間BOOK，只好食LUNCH了，下次有機先Tea。
餐廳位於中環街市內，開放式設計，面積頗大，假日的lunch時段唔太多人，Tea Time就好多，因為個Afternoon Tea Set都幾吸引。
餐牌，有set lunch，包餐湯或沙律及餐飲，+$30可升級餐飲。
QR Code落單，方便。
南瓜忌廉湯，質感杰身，味道濃郁。
氣泡咖啡果皮茶，跟餐加$30，入口清香同時不失咖啡的香味，味道平衡，清新之感，夏日炎炎好啱飲。
鮮奶焙茶，跟餐加$30，友人的。
鮮奶咖啡，跟餐加$30，友人的，個貓仔拉花好可愛呢。
西班牙海鮮飯，$188，材料有青口、魷魚、蝦及辣肉腸等，有別於平時的西班牙海鮮飯，味道冇咁辣及濃味，比較溫和，飯粒有咬口，口感creamy，少少鮮味，不俗。
慢煮燒烤醬豬肋骨，$208，豬肋骨肉質鬆化，濃郁惹味。
香燒半隻蜜糖芥末黃油春雞，$168，肉質尚算嫩滑，味通普通，薯蓉香牛油味。
食物有水準，以中環來講價格合理，服務正常。
中環皇后大道中93號中環街市1樓124-125號舖
沒有留言:
張貼留言