又到中秋，今次順利買到生隆月餅，記得上年放工去到已經比人買晒(太受歡迎了)，今年專登假日去買，今次係去新店位置，都好易搵，去到已經好多人幫襯～因為臨近中秋時段全店只賣月餅冇乜其他小食，下次先再戰缽仔糕～買左兩個月餅應下節。
單黃綠豆蓉月餅，$45，傳統月餅來計，未食過綠豆蓉月餅，好奇咩味，綠豆蓉口感厚實，口味鹹鹹地⋯唔係好識欣賞。
雙黃黃蓮蓉月餅，$58，餅皮薄，內餡黃蓮蓉質感潤滑，味道香甜，比平時食嘅白蓮蓉再甜啲，個蛋黃唔算好大個但夠油水，不俗。
多款口味的傳統月餅🥮，支持小店。
深水埗北河街66號地舖
沒有留言:
張貼留言