2022年5月12日 星期四

우리 Wuli


係長沙灣,cafe緊有一間喺左近,見到一間韓風cafe-우리,韓文解我們的意思(我唔識韓文嘅,純粹好奇個名咩意思),食物同環境都幾吸引,冇book位膽粗粗博一鋪去一轉,去到咁下一張有位等左陣即入座。




門店打卡一流,內堂裝潢雅緻,我們二人坐吧位,呢個位有點迫,坐得唔太舒服。

餐具自己拎。





餐牌,電子落單好方便,繁忙時間用餐時間為75分鐘,不收加一。

Matcha Lattle,$46,友人的,拉花好靚。

Matcha Tonic,$48,好奇一試呢個配搭,淡淡的抹茶味,少少苦,感覺清爽,好適合夏日。

全日韓國早餐,$98,揉合韓式及英式的飲食文化,加入了韓式年糕、泡菜、煎蛋卷及午餐肉等,午餐肉煎得香脆,泡菜爽脆惹味唔太辣,煎蛋卷大件,伴泡菜食味道不俗,韓式年糕,甜甜辣辣的味道,不過年糕口感唔夠煙韌,牛角包酥脆,沙律菜清新、炒雜菇香口。





自家製荷蘭醬班尼迪貝果(煙三文魚),$88,用貝果作配搭,個人幾喜歡,貝果口感厚實,配上荷蘭醬及豐富的蛋汁,不俗。



阿華田脆脆波波鬆餅配朱古力醬,$78,本身想要抹茶味,但係售罄...阿華田照殺,賣相十分吸引,口感外脆內軟,內餡有阿華田醬,味道香甜,幾美味呢。

食物正常水準,食品幾好味,幾有特色,打卡之選。

長沙灣元州街482-492號金碧閣地下4號舖














沒有留言:

張貼留言