東記上海麵

約了友人食飯，今次去大埔名物之一東記，真係好耐冇食了~記得以前係大埔街市食，而加見佢有開分店即去下，(加上街市果間開到4:30趕唔切，新店開到8:30)。

裝潢甚有懷舊港式之感，鐵閘、招牌及一些舊照片，富有懷舊色彩。

餐牌，據聞貴街市少少，以炸豬扒出名，必食!炸雞翼都好吸引，一於雙拼。

咸檸七，$11，大熱天時飲，爽!記得N年前去，街市果邊冇得叫野飲。

炸豬扒雪菜肉絲上海粗麵，$44，友人的。

炸豬扒雞翼上海粗麵，$44。

炸雞翼，香口惹味。

炸豬扒，熱騰騰，大件厚身，外皮香脆可口，咬落去肉質鬆軟多肉汁，美味呢。

上海粗麵，煙韌爽口。

環境上呢個坐得舒服，仲可叫埋飲品，態度幾好，食物好味KEEP到水準，抵食夾大件，價格上貴少少(因店舖都合理)，新店同舊店，各有各風味~呢到仲有個新野酥炸墨魚條(冇食)，下次有機再戰。

大埔廣福道144號地舖