味苑

4月之星同事生日飯，最近唔係食日式就係食西式，同事攪下新意思推介到味苑飲茶，試新野，必讚成，公司採用彈性食飯時間，決定避開lunch繁忙時間食下午茶時般，感謝同事訂位，2:00一行11人到味苑下午茶。

抵達餐廳，平日的下午茶時段，不太多人，中菜館的格局，餐廳分了兩層，有樓上雅座，我們坐下層。

公雞餐具，有懷舊之感。

餐牌，有小菜及點心。

脆皮燒腩仔，$78，香口惹味。

胡椒咸菜豬肚，$58，暖胃養生的一道菜，先飲啖湯，胡椒味強烈，咸菜鹹酸爽脆，豬肚口感彈脆，不會太韌，幾好味道。

真係菠蘿包(大)，$30。

菠蘿包真係有菠蘿！菠蘿包內餡有小片的菠蘿，味道香甜，幾好味、想追加時已售罄，似乎好受歡迎呀。

酥炸魷魚鬚，$58，大家都愛吃，口感脆又香口。

脆皮菠蘿炸鮮奶(大)，$30，雖然我唔係好飲得奶，但仍然想試下呢到的炸鮮奶，入口酥脆，凝固的鮮奶口感滑又夠熱，味道香甜，加上內餡有菠蘿，增添了一份清新之感。

懷舊街邊豬腸粉(特)，$34，純粹見到懷舊之叫，感有早餐之感，因有時早餐食腸粉，味道普通。

味苑蝦餃皇(精)，$36，好大粒，蝦夠大隻爽口，幾好味。

蘆筍苗蟹籽餃(特)，$34，賣相精美，食落同蝦餃差不多，都係好大粒蝦，配上爽口的露荀更有口感。

流沙三小豬(大)，$30。

講起公仔造型點心，近呢幾年真係興起，但仍然都被吸引，好可愛的小豬，內餡是香甜的流沙，幾美味呀。

新鮮叉燒腸粉(特)，$34，叉燒份量多，味道普通。

蟹籽燒賣皇(精)，$36，好大粒燒賣，味道幾好。

沙律脆蝦角(中)，$24，入口香脆，內餡蝦肉爽口，配上沙律醬味道開胃又清新。

金紗米網蝦腸粉(精)，$36，造型有點似炸兩，腸粉滑，米網酥脆，內饀蝦膠彈牙，幾美味呀。

肉鬆蛋煎糯米雞(特)，$34，好奇試下，賣相好似蛋包飯，蛋皮包住糯米雞再加上肉鬆，糯米雞冇乜內餡，味道普通。

和風蝦春卷(大)，$30。

錦鯉香芒布甸，(特)，$34，錦鯉造型的有甸，好得意，入口有點韌，芒果味淡，味道普通。

椰汁馬豆糕(中)，$24，正在水準。

香芒雙皮奶(大)，$30，個碗好可愛。

食物水準不俗，價格合理，下次可再去呀。

灣仔駱克道128號地下