宏

約了舊同事食飯，大家都有成幾年冇見了，方便之下約在尖沙咀食，在K11兜了幾轉，揀了宏，記得在幾年前曾幫襯，果陣時店子係佐敦，為抹茶卷而去，而加的宏多了好多野食了。

店子尚算大，但位子密密麻麻，有點擠迫。

迷你三彩丼定食，$148，有小碗鰻魚飯、小碗吞拿魚碎(魚生飯)、小碗海藻烏冬 付送沙律、抹茶蛋卷、錫蘭紅茶，一個set 有3款食物不單一，而且都是小碗，不會過多，仲要有甜品同餐飲，都幾抵食。

鰻魚飯，燒鰻魚，尚算肥美，入口香甜惹味，日本米，據聞是選用新潟米，口感彈牙甜度適中，幾好味呀。

吞拿魚碎(魚生飯)，吞拿魚碎份量適中，味道香口。

海藻烏冬，口感爽滑，有少許似期蕎麥麵，味道清新，都不俗呀。

抹茶蛋卷，十分迷你，濃厚的抹茶味蛋糕，cream 夠軟滑，依然好味呀。

抹茶窩夫，$68，有日本抹茶窩夫及雪糕、栗子蓉及抹茶曲奇，抹茶雪糕，有濃郁抹茶味，抹茶窩夫是微微的抹茶味，口感煙韌，可兩人share 食呀。

食物尚算幾好味，價格合理，晚飯之選呀。

尖沙咀彌敦道100號The ONE 5樓502室