無肉食

又是每月一餐的時候，人大左就注意健康，開始食少點肉類，友人介紹了一間真係講明無肉食的餐廳，素食自助餐，對於食肉獸的我，確實好奇，一於試下呀。

位已訂，上到去，餐廳已經人山人海，果然係好受歡迎，等多一等先入場。

晚餐：逢星期一至四 $118，五、六、日、假期 $138

晚市：18:00-22:00（晚餐繁忙時間限時90分鐘）

餐廳面積頗大，樓底高有空間感，裝潢簡約，清雅感覺，牆上有不少社區畫作，木架上擺放了一些作品。

自助吧，即睇有咩食先。

炸物。

沙律及冷盤，仲有三色藜麥。

炒雜菜及熱盤。

甜品，還有糖水、湯及飲品。

五花茶，清熱氣。

兜左一圏，食物選擇比想像中多，每樣試了一點，以為會好清淡，其實又唔係呀，炒飯，乾身，粒粒分明。炒菜，比較偏油，鹹淡味適中。馬蹄糕，口感軟林清甜，炸物春卷、炸雲吞，香脆多餡料。

燜冬菇，好林，冇乜菇味。生果沙律，新鮮幾好味。竹皮卷，炸薯，正常水準。香蕉拔絲，夠香甜，好味呀，呢個受歡迎之一呀，芝士撻，淡淡的芝士味，味道不俗。

蘿蔔粟米素湯，夠清甜。

喳咋，味道不太甜，朱古力蛋糕，朱古力不太濃，少甜，香蕪蛋糕幾好味呀。

用食後要記得執拾餐具呀。

素食自助餐，食物味道比想像中好，唔算冇味，只係比較清淡，選擇都比想像中多，菜式簡單不花巧，對素食又有一番新的體驗呀。

旺角洗衣街88號2樓