3月份的時節，春季將至，天氣漸漸回暖，花開滿樹，不禁想到郊外野餐，只可惜大家忙，4人未能相約到日子，只有2人，不如去嘆Tea，見有不少酒店推出了以春日作主題的下午茶，我們便選了一個田園之感的下午茶，填補一下想去野餐的意欲。
嘆Tea之餘又有禮物贈送。
內堂裝潢設計時尚，環境寬敞，樓底高，有空間感，梳化椅坐得舒適。
訂了兩位，3:15到場，十分少人呢。
還有露天茶座的位置。
下午茶的餐牌。
蘋果洋甘菊茶配蜜糖，蘋果洋甘菊茶，少許的蘋果味，洋甘菊味太淡，不夠甜，要加少許蜜糖才有甜味。
春意盎然下午茶，$488(兩位)。
下午茶以木盤盛載，紅格子墊盤紙，茶點賣相十分有心思，小動物、蝴蝶及樹木做型的甜點、清新的雜果入饌，甚有田園野餐之感。
漂亮的蝴蝶。
香煎芒果帶子伴蟹籽，感覺名貴的鹹點，帶子鮮甜，味道不俗。
巴馬火腿蜜瓜啫喱串，半粒蜜瓜加上半粒啫喱砌成一個圓球，像是珍寶珠的，比較軟身的巴馬火腿，味道正常水準。
越式鱈場蟹肉米紙卷伴橘子汁，內餡是雜菜絲及蟹柳，配上了橘子汁，酸酸地又爽口味道清新。
菠蘿雞肉漢堡，雞肉漢堡肉厚，配上燒菠蘿及多士，清新的味道。
鮮果賓治海蝦串，海蝦爽口但冇味，小小鮮果賓治味道清新。
英式鬆餅配士多啤梨醬，士多啤梨醬份量多，反而英式鬆餅好迷你，正常水準的味道。
酥炸蜜瓜奶，感覺好中式，外脆內軟口感，食落有好香的蜜瓜奶味。
菠蘿椰子慕絲蛋糕，兔子的patpat~~兔子那麼可愛，怎麼可以吃兔兔~~~~慕絲蛋糕口感軟滑，菠蘿椰子夠清甜，幾好味呀。
鮮果綠茶酥條，鮮果清新，但綠茶cream味道太淡不突出，普通味道。
水蜜桃水信玄餅，賣相好靚呀，仲要有花作點綴，但口感及味道都似大菜糕。
檸檬忌廉卷，松鼠朱古力十分可愛~唔捨得食，但還是咬了一口，是軟身的朱古力，果然好甜呀!忌廉卷有清香的檸檬味，但口感有點乾。
黑森林蛋糕，蛋糕是樹木的造型，一點紅的甲蟲朱古力，十分可愛的賣相，感覺更像森林呢，外層是朱古力，內裡是朱古力海綿蛋糕，朱古力不太濃郁，甜度適中。
即場派發的SKINFOOD禮品。
又可試下新的護膚品。
下午茶造型上有心思，但味道普通，有贈品送加分，環境都幾舒服呀。
價格:HK$488(兩位)
供應時間:星期一至日15:15-17:15
推廣日期:2018年3月1日至3月31日
凡惠顧兩位用下午茶，可免費獲贈白蒲公英及柚子水份C系列體驗套裝兩份、優惠券兩張及可在SKINFOOD專門店換領精美禮品兩份 (總值HK$340)，每人一份唔洗爭呀。
新界沙田白鶴汀街8號
沒有留言:
張貼留言