晚上到旺角食飯，旺角食肆林立，有好多選擇，但又冇乜心水，只係唔想排隊，走到廣華街，見到有間Coffee Jobs，落地玻璃設計，像個溫室，一目了然的格局，見到有二人位子，再看看餐牌，食物蠻吸引，於是便一試。
裝潢以灰黑色為主，不修飾的灰牆上掛有廚具及自家水滴logo，簡約中帶點型格，樓底高有空間感，柔和的燈光感覺relax，店內坐位不多，人也不多，不太嘈雜，但枱子及位子太細，坐得有點擠迫。
DINNER SET，有沙律+主菜+飲品。
散叫的，比較有特色。
飲品menu，Coffee Jobs顧名思義是主打咖啡，可惜早上已嚐幾杯齋啡，想飲其他了。
好特別的碟子。
Green Apple Soda Galaxy，$48。
紫藍色澤的飲品，曾是熱潮，攪拌後變了淺紫色，同樣是漂亮，味道是青蘋果梳打，十分清新。
沙律，沙律菜爽脆夠新鮮，紅菜頭味道清甜，fresh。
原隻南瓜焗海膽海鮮意大利飯，$168。
這個是散叫的冇得跟餐，好有份量的海鮮，有青口、大蝦及魷魚等，蝦夠爽彈香口，青口大件，口感爽脆味道不俗，炸魷魚圈正常水準，海膽意大利飯，唔多覺有海膽味，只覺有南瓜味，味道甜甜地好creamy。
脆脆芝士豬助骨配薯角，$168，有兩塊豬助骨，尚算大件，肉質鬆軟好惹味，薯角份量不少，香脆幾好味。
食物有水準，價格中位，不收加一，服務態度正常，坐位有點迫，整體來講都幾好，下次有機要去嘆咖啡。
旺角廣華街3號百利達廣場地下3號舖
沒有留言:
張貼留言