素食一家

又到每月一餐的時候,今次又係揀左素食,蠻健康呢,去了旺角的素食一家,BOOK8:00,4位,雖然是BOOK左位,但都要等半小時先入到去,因為實在太多人了,原來咁受歡迎的。

不少的招牌素食,有好多款式也很吸引。

環境是中式的設計,影這張相時已是就收舗。

魚生刺身拼盤,$42,看起來真的像魚生刺身,其實是蒟蒻來的,外表晶瑩剔透,口感冰涼而且有彈性,配上芥辣及醬油進食,味道真係有點像真的刺身,不俗呀。

日式芝麻醬山藥,$38,很少食素菜的我,現在才認識山藥,又名淮山,食落好似馬蹄,好爽口,而營養值高,有補腎功效,加埋黑木耳,健康佳品呀。

我不是豆腐,$68,比個名吸引左,賣相似細粒的金黃豆腐,口感外酥內嫩,估入面是玉子豆腐,但個名又寫"我不是豆腐"...又可能係蒸蛋來的,謎之菜式。

香酥荔芋卷,$68,外表有點像瑞士卷,是芋頭和腐竹之成,外層酥脆,入面荔芋口感有少少糯軟,芋頭味不算太出。

圍村蓮藕餅,$68,外層香脆,入面是切成一條條的蓮藕絲,口感有層次,幾美味,但好油膩。

香芒芝士海鮮卷,$78,外層香脆,入面是芒果粒、芝士及沙律醬,味道酸酸甜甜幾開胃,而且感到清新,不俗呀。

日式野菜秋葵燒餅,$65,賣相好吸引,面層是燒汁及沙律醬,餡是木耳、秋葵、蘿蔔絲及椰菜,大量的蔬菜,粉漿較少，味道普通。

焗葡國雞飯,$75,葡國雞飯的賣相不俗, 有素雞、薯仔及 青椒等,葡汁味不算太濃,味道普通呀。

薑茶菊花,$38,個杯好靚呀。

賣相十分出色,豆腐雕成菊花一樣,濃郁的薑汁糖水,豆腐的口感似豆腐花,味道像薑汁豆腐花一樣呀。

新派的素食,款式多花款,有日式又有中式,味道也不俗。

旺角洗衣街145號正華大廈地下