彩虹小食

上網見到介紹彩虹小食,好吸引的燒物,特別是初戀芝士撞棍,太想食,便約了食之戰友Yan & Yin一齊去食,營業時間是18:00至2:00,又是夜游人之選,岩晒我地OT人事。

見到舖面擺滿海鮮,蠻新鮮呢。

即叫即燒。

以為是外賣或坐街邊食,原來是有室內坐的,就在小食店鄰近,招牌"卡夫"的舗位。

小小的地方,不用修飾,大熱天時,只要有冷氣便可以了。

彩虹必食推介,事實的確被初戀芝士撞棍吸引了(搵初戀呀~)!

有好多選擇,除了串燒,都有不少海鮮,小食呢。

肥媽自制五花茶,$14,汽水$8。

燒巨大帆立貝,$40/3隻,都幾大粒,鮮美香口。

胡星手打牛丸,$12,口感好平滑,唔似平時的牛丸咁粗糙,而且幾彈牙,味道正常水準。

馳名厚切牛脷,$17,好大件的厚切牛脷,感覺好抵食,口感軟腍,好味呀。

初戀芝士撞棍(2件),$23,主角出場,見到已想一啖咬落去。

面層豐富的芝士,味道濃郁,響鈴香脆,好食呀。

巨咖啡菇釀煙肉芝士,$28,又是推介必食。

面層是芝士味道濃郁,咖啡菇多汁,菇味香,入面是煙肉碎味道更滋味。

燒美國石蠔蒜蓉($48/3隻),見到幾平,必食呀,唔算好大粒,味道不俗。

Star war花甲粥,$27,關Star war咩事?!少少的一煲。

好多花甲,粥夠入味,而且好綿,幾好食呀。

日式雞皮串,$12,好油,唔太好食。

好滿足的一餐,食物好味,而且好多選擇,價格合理,服務態度友善,環境雖然好普通,但勝在有冷氣,

芝士撞棍必食呀。

大埔運頭街12-18號美華大廈地舖