2014年9月2日 星期二

1968老街市

上網見到有人介紹呢間,見個環境同食物不俗咁,於是就去試下。




平日的7點幾,竟然冇人?!


講下個環境先,面積都幾大,環境設計都幾似街市同街檔既感覺。




卡位位置,有電視睇同坐得舒服d,之後既食客多數都係坐卡位。






夜晚價格尚算係合理,本身有心水野想試:雜錦黃姜飯,見餐牌冇左,即可個侍應,原來這個飯以沒有了,好似因為轉左師父定乜咩...咁要咖喱雞脾黃姜飯又話冇晒...冇計啦,只好食其他,一個飯+$15可轉set,轉特飲再加$10。


青檸梳打,係特飲,唔知點解味道好鹹,同另一杯係要檸賓,又比錯左,不過由佢了。


薯仔湯,都幾多料。


招牌喇沙湯粉,好多料,有豆腐卜、肥牛、魚片、 蝦、蟹柳、魷魚等,少是兩溝的,有米粉同金邊粉,喇沙椰香味不算太濃,味道普通。


波波媽媽海南雞飯,賣相靚,但味道一般,飯不夠油,硬左少少,雞不夠滑,冇乜味道。



整體來講味道一般,夜市來計個價合理,服務上有待改進,侍應好似遊魂咁,不過可能係新來啦。



佐敦佐敦道31-37號百誠大廈1樓B舖






4 則留言:

  1. 太新既食店都係唔敢去試住!

    回覆刪除
  2. Tintin morita:
    ~環境特別,而家啲食市, 都好落意裝修間鋪頭特別啲.

    回覆刪除
    回覆
    1. 個裝修幾正,好有特色,不過食物同服務有待改善....

      刪除