銅鑼灣盛八食堂+Freeing HK 逃出香港~

一行7人去挑戰"Freeing HK 逃出香港！",順便約係銅鑼灣食飯,試新野去左盛八食堂,以蛋包飯出名,都幾多人幫襯,要等位,仲要限時食1小時,不過而加好多旺區既食肆都係咁,冇所謂呀。

好可愛。

睇左menu都唔知食邊款好,因為好多都幾吸引,bear print左張coupon,食北海道松葉蟹餅蛋白包飯有6拆優惠,一於試喱個。

夕張哈蜜瓜乳酸特飲,都幾香哈蜜瓜味。

北海道松葉蟹餅蛋白包飯,賣相好得呀,青色同白色的鴛鴦汁,配上蛋白包飯,成個感覺好清新,青色係香草汁,淡淡香草味,比較清新,白色係忌廉芝士味,淡芝士味,有少少蟹子,比較like喱個,蛋白包飯果然係冇乜蛋香味,少個蛋黃果然爭點,入面係香草飯,蟹餅口感似薯餅,唔多覺有觸肉,不過都幾好味‧

銅鑼灣京士頓街9號名店坊1樓L102號鋪

"Freeing HK 逃出香港！",我地玩既主題係消失的國度,最初以為好流,點知原來都幾難,真係要食腦呀,好在有兩位勁人係到同大家同合作成功逃出了,好玩呀。