又係阿信屋特價零食~

不二家香蕉焦糖班戟蛋糕朱古力,$8,喱款蛋糕朱古力出過唔少口味,其實味道普通,不過有時既新野又想試,少少香蕉味,都幾甜呀。

ASOLO DOLCE迷你榛子夾心酥,$7.2,一包有20粒,本身冇興趣,不過見咁平就照入,細細粒,方便食,一食就上癮係咁食,口感鬆脆甜甜地,榛子醬又多,好味呀。

ASOLO DOLCE意式蘋果批,$7.2,一包有8個,都幾大件呀,因為夠大件滿足到個口感,食落鬆脆,蘋果醬有果香,唔太甜幾好味呀。

Calbee薯仔日和芝士梅子味薯片,$12.2,芝士同梅子都係我最LIKE,必食呀,少少芝士味,梅子味比較出,都OK呀。

CHIO墨西哥粟米片芝士味,$9,喱款粟米片一睇已知係好野來,好濃既芝士味,又好脆口呀。

百邦風帆船牛奶朱古力味夾心餅,$8.之前都食過喱款朱古力餅,幾好食,有咖啡味仲要係平必入貨,有好香既牛奶咖啡味,唔太甜,幾好食呀。

湖池屋日清UFO炒麵味粟米條,$10.7,繼上次出前一丁之後,又出UFO,喱次係粟米條,食落唔太似炒麵味,反而似酸沙律醬味,都OK呀。

湖池屋辣薯條-附芝士粒粒,$7,阿婆薯條出名辣,又好食,喱款都幾辣,夾雜左芝士粒粒,都幾脆口,少少芝士味,都幾好味呀。

龍蝦片,$11,好大包,食好耐,唔算好油,少少脆,味道普通呀。

固力果collon蛋卷濃厚抹茶味,$10.4,見係抹茶味已好吸引,已想試好耐,不過果時未特價呀,而加平左即要入貨,比平時3既蛋卷靚少少,唔算好濃抹茶味,同好甜下呀。

melon village蜜瓜玄米條,$3.5,個價好吸引,淡既蜜瓜味,少少玄米味,幾平值得試呀。

自上次申請左會員卡之後就成日去睇有咩平,睇好平又忍唔住入貨,不停食,似乎要忍下口呀。