2013年3月23日 星期六

長洲天然甜品~

上次食唔到既天然,今次再戰呀,假日之下果然有開門,好多人幫襯,不過都好快有位呀。


小小一間店有多多人幫襯,好生意。


桂花芒果卷,$7,來到更係試出名野,個賣相好靚,同幾好特色,味道上都唔算特別好味,但又唔會唔夾,都OK,因為係桂花糕,口感比較爽,唔太甜,值得一試呀。

芒果湯圓榴槤布甸,$20,芒果湯圓係鎮店既特色,賣相都好特別,晶瑩剔透,好想知係咩味,口感有點似大菜糕,爽口,不過冇乜味,芒果肉係甜,不過係加工既甜,味道食得出浸左糖水,唔多天然呀,榴槤布甸味道唔算好濃,整體上普通。


芒果湯圓梯枝甘露,YIN叫既,個味道都OK呀。


整體上味道普通,不過有特色同抵食,仲有出名既芒果糯米糍冇試,因為太飽呀,下次有機會食呀。


長洲大興堤路9號海景樓C座地下






沒有留言:

張貼留言