一品香南北美食~

係葵涌廣場行街,食來食去都係小雨天同唯一麵家,想試下新野,於是周圍睇下有咩岩食,見到有個下午茶套餐,$23包一客粉麵、一個小食同豆漿,好似幾抵食,又多人幫襯,就試下了。

因為二人,叫左兩個下午茶餐。

配既小食,鍋貼,有兩件,仲要好大件,皮薄唔硬,入面舊餡幾大,肉質鮮嫩又多汁,唔係好油,估唔到幾好食。

生煎包,又係有兩件,都係好大個,感覺上好抵食,個包甜甜地,個底煎得唔係好脆,不過個人幾喜歡,因為唔想食咁硬,餡一樣咁足料,都唔錯。

五香雞翼米線,個湯底好清,冇乜味,兩件五香雞翼應該分開上,因為個皮浸到林晒,變左冇咁香口同脆呀。

酸辣湯米線,YIN叫的,下次都試下先。

豆漿,暖暖地,味道正常。

綜合來講幾低食夾大件,特別欣賞佢既小食,大件又足料,下次要試埋小籠包呀。

葵芳葵富路7號葵涌廣場地下A08號舖