成隆行大閘蟹+270℃ PIZZA~

11月又係食大閘蟹既好時節,本身想去東海或鴻星,但因今年實在收了不少紅色炸彈XD,只好食平平地留返D彈藥,反正都未試過buy大閘蟹返去整來食,約了幾個fd自行大閘蟹宴。聽講成隆行幾出名,於是同個fd一齊去一田buy,$88一隻,買四送一,要左4公1乸,付送紫蘇葉、蟹醋、子薑及糖,制作原來好簡單,加片紫蘇葉蒸10分鐘得了。

上了fd家,開餐了,掛住食蟹,冇影到d膏...我只食一隻,揀了公,公大隻d,同d膏都肥味d,流質似蛋黃,幾香,肉就冇乜,當過下口癮。

食一隻當然唔夠飽,叫左pizza set,270℃...原來係個店名來的,未試過呀,因為有5人,要了4人set加多一個意粉,個set有一個pizza/一客意粉/一飯/一小食/四汽水or湯,$238,合理價。意粉同小食一般啦,主要介紹下個pizza,要左辣肉腸菠蘿pizza,個pizza比較細個,但都幾好味wo,個餅底夠軟身,餡份量夠多,味道濃又唔會好滯,唔錯呀。

食左大閘蟹咁寒,要飲返杯薑茶,本身唔太like薑味...不過飲落又接受到,仲要覺得幾正呀。