2012年6月1日 星期五

ok大特價零食~






固力果花生味百奇~係ok buy,特價$8.8,最近ok好多零食特價,特別係糖同百力滋,見花生味咁特別,加上係百奇出品有信心既保証,一盒有兩包,食落都有少少花生味,甜甜地,都唔錯~!





明治貴族百力滋~特價$10.5,其實喱個價都唔算好平,不過見其他地方都比較貴,又想知有幾好食之下buy了,一盒有3包,每包得3支咋,即係平均成一蚊一支...好金..不過好大支既,一支等於2支百奇既size,特別係佢朱古力比較多同混合左脆粒,味道都ok,不過口感冇百奇咁脆,整體味道ok不過偏貴呀~!



超級熊貓糖(梅味)~特價$5.4,個包裝上的熊貓公仔好得意,同一睇就知係酸糖,梅子味即吸引左我,本身都幾鍾意梅子味既零食,糖的質感有少少似瑞士糖既feel,軟軟地既,入面有梅子味既軟芯,一咬落去真係幾酸呀,食食下就甜返少少,就幾有梅味,幾正呀~!



LION可樂味軟糖~特價$5.4,個包裝好型呀,食落味道酸酸地,有點似平時夾糖的可樂糖,不過可樂味就重D,粒軟糖質感真係幾軟,有少少O者喱既feel,都唔錯~!



PURE奇異果味軟糖~特價$5.4,喱款糖既檸檬味同提子味係最正,近期出左好多新口味...都係一般既,不過見係奇異果,應該唔會怪得去邊,即試下,打開已聞到有少少奇異果味呀,食落都好香奇異果味,唔錯呀~!

沒有留言:

張貼留言