九龍城譚點~

九龍城除左泰國菜出名之外,其實仲有一間中菜館都幾出名-譚點,以食點心為主,前年去過食,覺得好味又有特色,今次再來到九龍城又去食了,介紹埋親戚一齊去食。

平日夜晚的7:30到,冇乜人,感覺好free,太耐冇來過,原來已開左分店,係長沙灣,因為咁d師父過晒去分店幫手,變左總店反而冇左d特色點心...有點唔開心呀...不過都冇所謂啦,其他的都好食。

4個人,叫左十幾碟,等食中。

好多點心呀~要介紹下先,雖然之前有寫過~!

珍寶鮮蝦腸,分開左一件件,食起上來好方便,腸粉唔算好滑,個皮較厚,蝦都係好大粒,好爽口,如果腸粉薄身d會更好呀。

星星脆魚腸,入面係脆魚來的,口感脆,不過油左點。

青芥脆蝦一口漢堡仔,喱個係必食,個賣相好吸引,點心係漢堡更加特別,中間夾既係脆蝦餅,小小既脆蝦餅入面真係有粒蝦,好爽口,加上沙律醬味道醒胃,幾好食。

沙律香芒盞,好靚既甜品,餡係蘋果沙律,都幾清新呀。

甘荀咸水角,個賣相真係好似甘荀,好正呀,皮外脆內軟餡料適中,幾好食。

蜂蜜雞蛋散,冇咩特別呀。

黑魚子花菇蒸燒賣,好大粒燒賣,食落多肉汁,幾好食。

鵪鶉蛋蒸燒賣,太耐冇食過,必食,本身太想食之下feel好食呀。

荀尖蝦餃皇,皮唔算好薄,入面粒蝦好大,爽口鮮味,唔錯。

蜜味叉燒包,細細個的,有3個,味道普通啦。

keep到水準,定好食左喱,可惜冇左幾個特色點心,如果唔係一定更加滿足,價錢上唔算好貴,幾低食,下次會再去呀~!

九龍城南角道29號地下