The Flying Pan~

又同食之戰友周圍覓食,今次yan推介中環喱間24小時營業的西餐廳,all day breakfast,全日提供英式早餐,出名的EGG BENEDICT ,灣仔都有分店,方便了港島區的打公仔人仕,可享用晚上的早餐!

中環警署付,小小的一間,白天時豪不起眼,入夜就相反了!

牆身,梳化,枱椅都以藍白為主,喻意藍天?!感覺柔和,舒服, 到左8點幾時份,燈光會較暗返少少,意思係入夜了?感覺上都幾有意思,relax!

英文的餐牌,侍應都係要用英文溝通的,不過餐牌圖文並茂,難唔到大家既~!
3人,點了3個set!

PINEAPPLE JUICE ,好香菠蘿味,少少杰身,好正!

THE FLYING PAN,$85,份量好多,可以2個人share,配左熱香餅,炒蛋and grits,比較厚身的熱香餅,口感更鬆軟,加上唔係好甜,唔會有好滯的感覺,炒蛋唔算好滑,熟左少少,薯仔好食,煙肉太硬了,仲要有d膿...漢堡扒太乾唔得,grits,唔知中文叫咩,口感麥皮,味道怪怪的...唔岩食!

EGG BENEDICT /LYONNAISE POTATO+BAKED BEANS ,$67,配左薯仔同焗豆,一塊塊的薯仔夠熱好香口,焗豆就好普通! 

火腿蛋堡~好想一啖咬落去呀~半熟蛋,蛋白少少厚身,入面爆多蛋汁,蛋味濃,好滿足!火腿薰香少咸,鬆餅煙韌,面層加上荷蘭醬,口感豐富,超讚!

EGG BENEDICT /SPICED APPLES+TOMATO SOUP ,$67,配左蕃茄湯同,蕃茄湯味道好濃,但係唔酸既,都唔錯,玉桂蘋果有驚喜,蘋果肉味道香甜,少少熱加上林林地既口感,幾好食呀!


平時好想食早餐,但係趕住返工冇時間去食,放假又瞓到好晏過晒食早餐既時間...而喱到就滿足到早餐既意欲,時時刻刻食早餐,雖然係貴左d,不過物有所值,食物有水準環境又relax,必食egg benedict,下次有機要試下真係既"早餐"!忽然諗..黎明講過:我唔會空肚食早餐...唔通係幫襯過喱間先咁講?!!@0@

中環蘇豪奧卑利街9號地下