水門雞飯 (汀角路)

水門雞飯，本地人開設的良心小店，想試好耐，但每次都排長龍同唔就腳冇幫襯，見而加開了唔少分店，原來大埔都有，今次可以去一轉。

店子裝潢簡約，不鏽鋼枱椅，牆上掛畫及拳套等，貌似泰國大排檔，大約7:30的時段，唔算太多人。

要了二人自選套餐，包括:主食+小食+飲品+甜品，$198。

雞骨湯。

凍泰式鴛鴦，泰式奶茶多數偏甜，鴛鴦有泰式奶茶的獨特香滑同夾雜少許啡香，唔會太甜，味道不俗。

凍泰式咖啡，友人的。

水門雞飯，雞肉嫩滑，啖啖肉，沾上醬汁更好味，油飯粒粒分明軟硬適中。

沙嗲豬串燒(2串)及沙嗲雞串燒(2串)，試了豬串燒，香口惹味。

芒果糯米飯，+$15轉，糯米飯口感軟糯，椰香味十足，香甜美味，芒果清甜。

泰有風味的一餐，支持小店呢。

大埔汀角路11號地舖