係元朗行下到了晚上，又係時候搵食，好耐冇食過日本野，上網有幾間心水日本野，揀了一番，據聞出名係巨型相撲壽司(三文魚刺身有成八寸長)，仲要唔貴，一於去試下，假日19:30去到，要等位不過唔算好多人，大約10分鐘有位。
等待時順便睇餐牌落單，果然爭分奪秒。
餐廳面積尚算大，樓底高，牆上有少許日式簡約佈置。
有茶提供，不過冇乜味。
生蠔，每隻$13，都幾大隻，肉質爽口，味道鮮甜，幾抵食。
刺身，$58，有三文魚2片、油甘魚2片、帶子2片、北寄貝2片及北極翡翠螺一隻，好抵食!翡翠螺切左一片片方便大家食用，刺身厚薄適中，都幾新鮮，味道不俗。
三文魚壽司，每件$14，好大件壽司，三文魚厚薄適中仲要好長身，味道鮮美，不俗(如果唔想食咁多飯可要求少飯)。
燒鰻魚壽司，每件$23，長身又大件的鰻魚，甚有氣勢，肉質較紮實味道甘香，不俗。
酥炸吉列蠔(5隻)，$40，熱騰騰，口感香脆。
炸軟殼蟹卷(6件)，$65，好大件壽司，飯入量多，軟殼蟹份量適中，十分飽肚。
鳳梨果汁，$15，友人的。
荔枝果汁，$15，夏日炎炎之下飲好爽。
有下次，抵食夾大件，完。
元朗教育路29號地下C舖
沒有留言:
張貼留言