永順食店

假日入元朗食野，今次去聞名已久的沙嗲牛肉麵(又上演一場尋找沙嗲牛肉麵的故事)，搵左一陣路終於都去到，差不多14:00，唔算太多人等，大約10分鐘有得入，不過就唔係去間店入面食，而係去間店隔離另一個舖位@_@"!不過算啦都係一樣加上天氣太熱唔想再等，有冷氣就得了。

餐廳係茶記格局。

而另一個舖位好細，有點似粉麵店格局，擺放左一箱箱貨(食材)。

餐牌。

凍咖啡，$17，大熱天時必飲凍野，凍啡好醒神。

凍奶茶，$17，友人的。

熱杏仁霜，$17，友人的，想起一個典故。

沙嗲牛肉麵(蟹王麵)，$32，友人的。

沙嗲牛肉麵(配出前一丁)，$30。

沙嗲味濃郁，帶有花生香味，牛肉份量多，肉質軟嫩，果然好味。

芝士流心蛋豬扒治，$28，

份量十足，要左烘底+炸豬扒，因為我地3人分，問阿姐攞刀自己切，阿姐知道後師父幫我地切，實在太好人了~炸豬扒香口肉鬆化，流心蛋蛋汁豐富，好味呢。

沙嗲牛肉麵果然是元朗名物，據聞配蟹王麵仲好食，下次有機要再戰。

元朗安寧路2號冠煌樓地下