老荔冰室

 
假日同友人去香公行下順便食Tea，今次去老荔冰室，主要係想試下個沙嗲牛熱香餅漢堡。
呢個懷舊而浮誇嘅門面實在太出眾，唔洗點搵都見到佢，Tea Time都幾多人，去到差唔多14:30，等左陣就入座。

餐廳面積中等，坐位密密麻麻，牆上的金龍鳳裝飾及霓虹燈佈置，營造懷舊之感。

餐牌，已有心水選擇。

沙嗲牛肉芝士熱香餅漢堡配薯條，$48。

有3塊熱香餅，質感鬆軟唔太甜，正常水準，原片芝士但唔係溶果款，唔算好濃芝士味，沙嗲牛肉份量適中，味道濃郁，牛肉都算鮮嫩，薯條份量十足，但唔係好夠熱。

熱咖啡，正常茶記水準。

火腿芝士奄列，$48，友人的。

食物正常水準，價格合理，懷舊特色平平地打卡食野。

荔枝角青山道495號誠信中心地下1號舖