Caligari

Happy Friday約了友人食飯，就腳之下係中環食，友人推介了一間咖喱飯專門店-來自日本的Caligari，據簡介獲選為日本美食餐廳指南Tabelog百名店之一，來頭不少，趁今日去試下。
位於娛樂行位置十分方便，餐廳面積中等，裝潢以白色及木系為主調，以綠色植物佈置，感覺柔和自然，平日的夜晚，唔太多人。

位於娛樂行位置十分方便，餐廳面積中等，裝潢以白色及木系為主調，以綠色植物佈置，感覺柔和自然，平日的夜晚，唔太多人。

餐牌，用OpenRice book位有個優惠晚市二人套餐，$328，有前菜、輕食、主菜、餐飲及甜品，都幾抵食。

凍咖啡，爽。

牛蒡甘荀，是日前菜，爽脆開胃。

魷魚鬚，輕食一品，入口酥脆有嚼勁，鮮美香口。

秋葉原定番，有龍田揚炸雞、芝士、鵪鶉蛋、薯角、芫荽、茄子、雙色咖喱配日本米飯，份量十足，雙色咖喱係椰汁咖喱以及特級香料咖喱，一次試到兩款，椰汁咖喱，質感稠身，有淡淡的椰香味，甜甜地，唔太辣溫和易入口，特級香料咖喱，香料味較重，比較辣，配上香料日本米飯更提味，龍田揚炸雞，賣相似雞扒，外皮唔算好脆口，雞肉軟嫩，茄子大件軟腍，薯角香口，有芝士增添味道及感口，十分豐富。

和牛可樂餅配日本米飯，友人的，試了少許和牛可樂餅，外層香脆內裡軟腍香口，幾好味呢。

豆腐雪糕，是日甜品，濃厚豆腐味，不俗。

食物味道不俗，價格尚算抵食，坐得舒適，服務態度幾好，晚飯之選。

中環皇后大道中30號娛樂行2樓F號舖