小包包

放工約了友人食飯，友人推介小包包，主打fusion漢堡，中西合壁有特色，呢間之前聽過但未食過，趁今次試下先。
平日大約19:00去到，唔太多人，但越夜就越多人。

門面個LOGO好得意，小小的店子，裝潢骨致帶點型格，暖色燈光感覺好WARM，店員態度親切笑容可掬，主動介紹主打食物等。

餐牌，揀了人氣之選。

SEAWEED POPPERS 紫菜炸墨魚脆脆，$98，面層炸紫菜香脆惹味，手打墨魚丸大粒，口感彈牙有鮮味，配上黑蒜醬食更美味。

PORK BELLY BAO 招牌豬腩包，$98。

份量十足，刈包微熱軟熟，微甜，豬腩肉大件肥厚，肉質軟腍香口，配上大蔥紫蘇葉沙律、芝麻醬及茄汁更惹味，十分豐富。

GREEN TEA ICE-CREAM BAO 綠茶雪糕包，$48，小小的一個，個包不論味道及口感都好似炸饅頭，外脆內軟，綠茶雪糕，綠茶味濃郁，味道不俗。

SALTED ICE-CREAM BAO 鹽味雪糕包，$48，友人的。

食物味道不俗，有創意，服務態度值得一讚!價格略貴了少許，下次有機再戰。

中環善慶街1-3號地舖