泰簡單

 
舊同事聚舊日，就腳之下揀左係銅記食，友人推介呢個泰菜幾正，位於總統戲院頂樓地標位置果下方便，book定4人唔等位。

餐廳面積頗大，裝潢甚有泰國風情，設有露天位置，感覺Relax。

餐牌，叫左例牌野。

象啤，$45，難得一聚啤啤佢。

冬蔭功(M)，$62，材料豐富，酸酸辣辣香氣十足，少許鮮味，但鹹了點。

泰式生蝦，清甜爽口，配上酸辣汁更好味。

小食拼盆，$195，有蝦餅、魚餅、黃金袋、春卷及無骨鳳爪等，味道正常。

肉碎生菜包(豬)，$95，生菜爽脆，肉碎香辣惹味。

南瓜咖喱軟殼蟹，$188，咖喱香濃配上南瓜的清甜，味道不俗，軟殼蟹香脆鮮味。

食物味道不俗，氣氛一流，服務態度幾好，下次有機再戰。

銅鑼灣謝斐道517號總統戲院頂樓