hoo韓國包車

Happy Friday，約了友人到了尖沙咀食飯，想食韓國菜，友人揀了hoo韓國包車，thank友人book位。

裝潢以韓國布帳馬車為主題，牆身的落閘、天花上的霓虹燈、理髮店、漫畫店及洗衣店的佈置、恍如置身在韓國街頭之感，風味十足，打卡一流，除了裝潢及食物外，還有播放著KPOP，甚有氣氛。

餐牌，韓國地道小食，都幾多選擇，某些食物係可揀全份或半份，好啱我地2個女子，都係QR Code落單。

前菜，開胃爽口。

朱古力啤酒，$58，質感順滑，隱約有少許朱古力味，唔太突出，甜甜的易入口。

荔枝梳打，$38，友人的。

街頭魚糕串串(半份)，$146。

有5大串魚糕，鍋內仲有多款魚糕及白蘿蔔，付上即食麵，份量十分豐富，先試魚糕串，熱騰騰的魚糕，口感彈牙，湯底鮮甜，蘿蔔夠入味，好暖身。

炸紫菜粉絲卷，$62。

入口外酥脆內煙韌。

芝士年糕，$86。

芝士控，每次食韓國菜都差唔多必食，拉絲芝士份量十足，芝士味清淡溫和唔算好濃，年糕微熱口感煙韌。

甜辣炸雞(半份)，$158，炸雞頗大件，口感香脆雞肉嫩，味道甜中帶辣，醒胃又惹味。

食物味道不俗，感覺地道風味，服務態度正常，把酒談歡之夜。

尖沙咀厚福街12-12A號藍馬商業大廈22樓