綠冰室小菜館

 
假日係尖沙咀行下順便食晚飯，想平平地茶記，諗返網上介紹嘅平價鐵板餐，即去試下，19:30去到，食飯時段都幾多人，但都仲有位即入去。

牆上見到綠冰室的分店分佈圖。

餐牌面積頗大，茶記格局，我哋3人坐卡位。

餐牌，有好多選擇。
之前睇介紹係長沙灣分店$38鐵板餐，可能因為幾個月前加上地區問題尖沙咀係$48，貴$10。

冰室懷舊雜扒，$48。

要了洋蔥汁，有豬扒、雞扒、雞翼、腸仔、火腿、煎蛋及薯角等，份量十足，每樣都係肉，家下集合埋一齊，問你飽未!豬扒同雞扒都好大件，豬扒少鞋，雞扒味道較好點，基本都係正常水準。

凍咖啡，凍飲+$3，正常水準。

紅豆冰，友人的。

以呢區來計$48食個鐵板餐真係抵到爛，味道正常水準，平價之選。

尖沙咀寶勒巷3-7A號地舖