八號餐廳

假日到大埔食LUNCH，本身想去的餐廳太多人即轉場，經過八號餐廳，講起來真係好多年冇幫襯了，橫掂都係不如就呢間。

門面擺放了不少綠色植物，感覺自然。

有自助茶吧，正!而且仲有書睇。

餐廳面積頗大，感覺上歷史悠久，因有點舊式西餐廳的影子，坐的是藤椅，黃色的牆身，再配合落地玻璃透入的自然光線，感覺舒適，RELAX。

有好多餐牌，好多選擇，都睇左一輪先揀到。

見到呢個餐牌上的套餐幾抵食，仲可以+$42有2隻焗蠔，要了3個Set，每個Set都加左焗蠔。

奉上餐包及餐湯。

卡邦尼意粉，$72，友人的。

煙三文魚碎蛋白汁闊麵，$68，立眼以為係蘿蔔，其實係三文魚來，碎蛋白汁闊麵，味道唔算好濃郁但ok，正常水準。

燒焗豬肋骨配薯菜，$82，豬肋骨尚算香口肉質鬆化。

泰式燒春雞配菜沙律，$76，半隻燒春雞，肉質軟嫩。

煙肉白汁芝士姐紐西蘭焗蠔，+$42有2隻，焗蠔大隻，不俗。

西班牙咖啡，$22，凍咖啡內加雪糕，據聞其實同西班牙冇乜關係，港式凍飲來而已，咖啡不俗。

愛爾蘭咖啡，$24，友人的。

食物正常水準，咖啡反而幾好，坐得舒適，價格正常，茶餐仲抵下次有機試呢。

大埔安慈路2號8號花園地下1-2號舖