幸福班戟

新年前同友人到銅記行街，因為lunch食到好飽，夜晚唔係太肚飽，不如食下甜品，想起日本過江龍幸福班戟，之前係日本時食過幾好味，唔知香港店係味一樣呢?6點多去到冇乜人，唔知係熱潮已過及呢個時候唔多人食甜品了。

店子頗大，柔和之感。

餐牌，有一刻想食鹹的班戟，最後都係揀甜。

有機排毒美顏茶(薄荷茶/牛蒡/蒲公英根/羅勒/紅花苜蓿)，$48，薄荷味唔算好勁，都幾清新。

幸福班戟，$108，賣相吸引，口感鬆軟似梳乎厘，有蛋香味但唔算好濃，cream幼滑，幾好味呢。

同係日本食的係差少許，貴了點，但都幾好味。

銅鑼灣新寧道1號利園三期2樓203-205號舖