2019年12月26日 星期四

盤子工房

假日轉折之下到了屯門,午餐都未食,一於去食下野先,雖然身在屯門,但早已有數間心水選擇,行去到一個屋邨,已見到有人等位,初步相信係呢間了。






黑色的門面,鮮明的立場。

等候時順便立下menu ,大約等了20分鐘就有位。











店子走文青風格,牆上掛有乾花帶點小清新之感。

適逢聖誕有佈置。













Menu,都幾多選擇,似乎熱狗係主打,必試,見到早餐又想食。

二人要了熱狗餐及早餐開心share。

班戟大早餐,$78。

是日特飲,跟餐凍飲+$2,芒果汁內有蘋果粒,芒果味淡左點,但有蘋果粒粒蘋果肉,味道幾清新。

班戟大早餐,有班戟、熱狗腸、煙肉、炒蛋、薯角、蕃茄、炒磨菇、煙三文魚凱撒沙律及橙等,份量十足,炒蛋香滑,煙肉大片香脆,班戟香軟幾美味,配上凱撒沙律中和油膩感,仲要有橙食,好滿足呢。

醬料及水果。

芝士咸牛肉蛋熱狗配薯角,$55,跟餐配了熱咖啡。



芝士咸牛肉蛋熱狗,有蛋牛,個組合好又茶記feel,即吸引想試,熱狗麵包夠熱,面層有點脆口,餡料有份量,芝士味濃,蛋夠滑,配上咸牛肉味道更滋味,薯角熱騰騰,香脆好味。

抵食夾大件的良心小店。

屯門建生邨建生商場地下114號舖







2 則留言: