Cafe Marco

一月之星生日飯(正是在下)，thank Yan 請食飯呀>3<~~~~!

今次去Marco polo食buffet，珍饈百味海鮮自助晚餐，好期待呢，book了兩位，7:30-10:00。

餐廳內堂十分寬敞，枱與枱之間有足夠空間，坐得舒適，柔和的燈光，有relax之感呀。

平日的夜晚很少人呢。

搶眼的甜品，不禁先去欣賞一番。

甜品有不少款式，好吸引呢。

朱古力噴泉，每次見到都覺得好靚，雖然好少會食。

Mövenpick，必食呀。

也有中式甜品，豆腐花。

麵包多選擇，不過冇食，太易飽了。

冷盤，個人喜歡長腳蟹呢。

中式熱盤，見蟲草花鮑魚烏雞，有興趣呀。

中東烤雞。

焦點集中左係羊鞍、燒扇貝及鵝肝多士呀。

生蠔，必食，即叫即開，保證新鮮，廚師笑容可恭。

印度咖哩及日式刺身。

先來杯凍檸茶，飲品也是自助的，有檸茶、咖啡、汽水、果汁及啤酒都有。

每位客人都有一碟鮑魚海參，鮑魚味道鮮甜口感彈牙， 海參爽口軟滑，味道不俗呀。

三文魚刺身，切得好薄下，味道正常水準。

冷盤，長腳蟹，唔算好多肉，不過味道鮮甜，大龍蝦，多肉，味道普通，藍青口，肉質爽口不韌，螺肉口感彈牙。

生蠔，必食呀，本身鍾意食蠔，即叫即開的生蠔，廚師會挑選一番，把好的給客人，生蠔唔算好肥美，肉質脆口，有淡淡鹹味少少鮮甜味，味道不俗。

鵝肝多士，必食呀，鵝肝油潤，甘香，味道不俗。

燒扇貝、幾好味，薯蓉，味道不俗。

羊鞍，肉質夠軟腍，冇乜羶味，香口惹味呀。

再戰三文魚，今次係厚切，因為唔同師父了。

蟲草花鮑魚烏雞，養生湯水，必試呀。

軟殼蟹好味呀。

又到甜品時間。

綠茶柚子撻，清淡的綠茶味。

覆盆子荔枝慕絲蛋糕，紅色的正方，酸酸地，有莓味，淡淡荔枝味，味道不俗。

芒果熱情果慕絲配薑味朱古力，三角的黃色，有好香的芒果味，不過太飽冇試到朱古力。

朱古力咖啡酒芝士蛋糕，淡淡的酒香，芝士味濃，幾好味呀。

朱古力榛子慕絲脆筒，脆筒好硬，同好甜。 

檸檬馬卡龍，有好清新檸檬味，難得不太甜的馬卡龍呀。

香橙朱古力蛋糕，淡淡的橙味。

日式芝士蛋糕，口感軟綿，幾好味呀。

蛋撻及芝士撻，正常水準。

柚子馬卡龍，柚子味好清新，味道不俗呀。

白朱古力多士啤梨柚子慕斯，口感軟綿，柚子味清新，幾好味呀。

法式焦糖燉蛋，正常水準。

忌廉蛋糕，感覺傳統，幾好味呀。

冧酒提子雪糕及士多啤梨雪糕，好味呀。 

嘆埋一杯咖啡，好滿足的一餐呀。

平日較少人的關係，每個位置都有乜人排隊，取食物好順暢，環境舒適可靜靜地傾下計，

食物味道不俗，服務態度幾好， thank Yan 呀>3<~!

用openrice的珍饈百味海鮮自助晚餐7折優惠，1月份的自助餐有7折優惠，幾抵食呀。

尖沙咀廣東道3號海港城馬哥孛羅香港酒店1樓