飲茶

又是每月一餐的時候，今次揀左係中環飲茶，餐廳真係叫飲茶呢~門面十分誇張，有架車頭做裝飾呀。

餐廳內堂頗大，樓底高有空間感，裝潢上帶點西式，擺放了不少鎮店出名的流沙奶黃包(睇住流奶)公仔，仲要是巨形的，感覺好可愛呀，平日的晚上冇乜人呀。

如果坐窗邊更加好呢。

好精緻的茶具，茶要了杭州白菊，茶有芬芳清香的菊花味。

MENU。

香菜豆腐，$49，薄切的豆腐，口感軟滑，味道不俗。

七彩茄子，$49，味道少許酸甜，不俗呀。

鹽水泡鴨(例)，$69， 份量較少，冇乜肉食，味道少許鹹，都幾入味呀。

綉球麵黃，$119，麵黃賣相果然像綉球，口感尚算脆口，配上酸酸甜甜的醬汁好醒胃。

當紅龍王，$169，火辣的色彩，內有龍蝦及海蝦，被辣椒乾及鮮辣椒掩蓋，份量比想像中多，像避風塘的味道，香辣又惹味呀。

紅酒牛尾，$109，牛尾口感鬆軟，有少許紅酒味，味道正常水準。

睇住流奶(3件)，$49，招牌貨必食，賣相好得意呀。

豐富的流沙奶皇，味道濃郁又香甜，幾好味呀。

鴿吞鳳梨(3件)，$59，用雀籠盛載，好可愛的賣相。

三隻鴿子。

造型好可愛，是鳳梨酥來的，味道正常水準。

食物造型有創意夠精緻，味道正常水準，服務態度幾好，環境舒適，價格尚算合理。 

中環德輔道中173號南豐大廈2樓1-2號舖