汀汀烤活魚

又是每月一餐的時候，友人推介去汀汀烤活魚，呢間火鍋餐廳，之前都聽過下，有興趣但遲遲冇去試，今次可以試下了。

平日的晚上，都不少人呢，book左位都要等一下，呢個時候最好就係睇餐牌諗定食咩，發現火鍋有好多選擇呢。

入到去，雖然我們是4人，但都不吝嗇的比張大枱，感覺闊絡，食火鍋一定好多食物擺放枱子大擺得晒，不過唔好之處係大家坐得太有距離難傾計。

食火鍋，當然要啤啤佢。

鬼馬雙拼(12件)，$78，名字好特別，究竟有幾鬼馬?!油炸鬼釀了墨魚膠及蝦膠，口感硬脆，味道不俗。

皮蛋凍豆腐，$38，豆腐口感軟滑，開胃的涼拌。

椒鹽一口豆腐，$42，我們叫了不少豆腐，味道香口。

烤桂花魚鍋，$338，睇個賣相都知唔惹少，魚肉夠滑，濃香又惹味，幾好味呀。

椰子雞煲(半隻雞)，$178。

先試下個湯底，椰子雞湯味道濃郁，清甜可口，好味呀，半隻雞的份量，但4人都夠食，雞肉口感正常水準，味道帶甜不俗，魚煲內的豆卜及豬皮好入味。

極黑豚肉，$58，掙扎要牛肉定豚肉，最後豚肉勝出，豚肉尚算大片，口感少許鞋，正常好準。

炸魚皮，$24，正常水準。

鮮淮山，$16，好爽口呀。

娃娃菜，$28，食咁多肉要食下菜。

話梅石榴，$28，當飯後果，酸酸甜甜的味道，好清新呀。

平日每天都有不同優惠，我地4人，平均每人$193，都幾抵食呀。

服務態度不俗夠快手，食物水準不俗呀。

旺角西洋菜南街1A-1K百寶利商業中心5樓