松尾芝士&薄餅味朱古力

係多慶屋到買,$12,松尾的朱古力向來口味好多花款,今次一樣好特別,出芝士及薄餅味,鹹的朱古力,一包有8粒,5粒芝士味,3粒薄餅味的。

薄餅味朱古力,表面有一撻橙色及黑色一點點,外層的朱古力鹹鹹地,似車打芝士味,入面是薄餅味餅,幾濃薄餅味呀。

芝士味朱古力,表面似白朱古力,外層的白朱古力有少少芝士味,鹹鹹甜甜,入面是芝士餅,幾濃芝士味,似食梗芝士餅的感覺。