土瓜灣大漠~

試新野之旅,同田會長的fd一行4人去試新彊菜,主要係食羊,好期待呀。

環境唔算好大,昏暗燈光,牆上掛有大漠的特式佈置。

餐牌都好大漠風。

有餐前小食涼拌芽菜。

鴨胸伴老虎菜-喱到既鴨胸同平時食既有d唔同,有少少肥脂,口感較軟腍,加上芝麻味道香口好惹味,老虎菜主要甘荀條、青椒條、沙葛條及篙筍等,都是切得較為粗條,食落口感爽脆,味道清新爽甜,酸酸地幾開胃呀。

哈密瓜炸牛腩-好特別的菜色,賣相亦令人大感疑惑。

好奇之下切開看看,兩件哈密瓜中間夾著牛腩，炸哈密瓜口感溶溶地甜甜地,幾好味,牛腩大舊好韌,炸皮油膩左少少呀。

羊肉鬆伴烤餅-見幾多人食過。

烤餅好厚身,甜甜地,有少少似牛利酥,羊肉太乾身鞋口,味道帶點苦呀。

鎮店清真古法極品燒羊鞍,人氣之菜色,必食呀。

果然係鎮店之寶,羊肉軟滑夠腍,又多汁,冇乜羶味好惹味,好食呀‧

孜然粉及辣椒粉,點羊鞍用的,辣粉真係幾辣呀。

羊奶凍-好香羊奶味,但羊羶好重,口感好滑,甜度適中 。

好有特色的一餐,好滿足呀。

土瓜灣北帝街27號C地下