佳德糕餅鳳黃酥 & 蔓越莓鳳梨酥 、鳳梨酥~

公司的台灣手信,成班同事開心share,台灣鳳梨酥食得多,不過未食過佳德糕餅個牌子,仲有鳳黃酥同蔓越莓鳳梨酥,聽講好好食,一定要試下呀。

鳳黃酥,入面係鳳梨餡同蛋黃,雖然有黃,但唔會好漏,味道甜甜地,黃少少咸,有點似月餅的感覺,幾好味。

蔓越莓鳳梨酥,外層比較酥脆,內餡係莓蓉,入面仲有一粒粒既紅莓,好特別,味道少少酸,比較清清地,好味呀。

鳳梨酥,口感煙韌,食落唔會好散,鳳梨味香,甜甜地又唔漏,都係好味呀。